A madeira
Como guitarreiro teño unha grande responsabilidade coa madeira e a súa sustentabilidade: a das persoas que viven de proporcionala e a do propio material, dado o perigo no que se atopan moitos bosques e especies na actualidade.
Para reducir o impacto e sempre que poida manter os meus estándares de calidade procuro reciclar madeira de mobles, trabes ou calquera uso anterior que se lles dese. Ademais, cada vez emprego máis madeiras locais ou que teñan certificados FSC ou Rainforest Alliance.
Para todas as madeiras non locais que emprego dispoño do seu certificado de legalidade, como é o caso do pau-santo e da bubinga, que precisan dun permiso CITES.
Investir en bos materiais é unha prioridade neste oficio. Ao longo dos anos fun abastecéndome de madeira de calidade, moita da cal tiven a sorte de comprala xa seca.
Para tapas de guitarra española e mandolina emprego maioritariamente abeto europeo de gran calidade, que provén na súa maior parte de Italia ou Suíza.
Acabado
Para as miñas guitarras españolas emprego exclusivamente goma laca como acabado final. A goma laca permite un acabado moi fino que non engade apenas peso ao instrumento e permite que a madeira respire e vibre libremente.
Para as miñas guitarras eléctricas emprego aceites e cera. O aceite dá un aspecto moi natural e resalta á perfección a veta e a figura da madeira. Porén, é un acabado que se gasta máis facilmente que outros tradicionalmente empregados para guitarras eléctricas.
Para as mandolinas ofrezo a posibilidade de acabado a goma laca ou ao aceite.
Se quixeres outro tipo de acabados, contacta comigo.
Caravilleiro
Nas miñas guitarras españolas ofrezo varias opcións:
Para quen busca algo económico pero fiable e de calidade emprego caravilleiros Gotoh.
Para quen quere empregar un caravilleiro artesanal, os de Fustero ou os de Alessi son unha marabilla, estética e funcionalmente falando.
Para aqueles músicos que buscan un aspecto máis tradicional mais sen perder en calidade de afinado poderíamos empregar tamén caravillas mecánicas Pegheds.
Para as miñas mandolinas emprego caravilleiros Rubner.
Para as guitarras eléctricas emprego Gotoh 510series ou Hipshot.
Hardware
Para as miñas guitarras eléctricas emprego soamente compoñentes de alta calidade: potenciómetros CTS, entradas jack de Switchcraft, resistencias Orange Drop e pontes Hipshot ou Gotoh.
Estoxos
Normalmente emprego estoxos Hiscox tanto para as miñas guitarras españolas como para as eléctricas.
Para as guitarras españolas é posible tamén empregar estoxos Manzano, construídos artesanalmente en España, ou estoxos Visesnut.
Se desexares outras opción, contacta comigo.